Beste minse,
Zaoterdag is ‘t zowiet: onze eerste online pronkzitting! De video is inmiddels af en steet klaor um in primjère te gaon. Umdat ze in Silicon Valley gin carnaval kenne begint de video um 20:15 in plaats van 20:11.
Zet ‘t bier kold, de kachel hoog, bestel ow ‘n Pavertsplenkske en waan ow in Ruumzich!
De pronkzitting is te bekieke via https://youtu.be/kdKA2q6ao24
Haal ’t pronkzittinggevuul in huus!
Op zaoterdag 14 november had ’t weer zowiet motte zun. In ’n bomvolle zaal hadde wi-j afscheid genomme van Prins Marien I en zo same ’t ni-je carnavalsjaor afgetrap. Helaas is dit jaor alles anders.
Um ’t carnavalsvirus toch ’n bitje rond te laote ware, zun wi-j ons archief ingedoake. Ut rissultaat is ‘n hèvig mooie videopronkzitting vol olde beelde die 14-11 um 20:11 op Joetjoep in primjère geet.
Maor dat is nog niet alles! Same met Brasserie Brut zörge wi-j deur middel van ’t Pavertsplenkske veur wat lekkers op taofel. Ut Pavertsplenkske kos €22,50 en van ieder verkoch plenkske geet €2,50 naor De Paverts!
Ut Pavertsplenkske is tot vri-jdag 13 november 16u te bestelle via Ruimzicht.com. De plenkskes wodde op 14 november tusse 17u en 19u rondgebrach deur niemand minder dan Prins Marien I en Jeugprins Tygo I!
Hol de kommende dage sociale media van Ruumzich en De Paverts in de gate veur meer informatie!